Si in zour zot néna lokazyon é si koté z’ot kaz néna in pyé mang épi sé la sézon,rogard in pé lo bann mang tonbé dsou. Zot va oir in pé lé koulé, bon arienk pou poik la lèv. Na in pé lé krazé vi k’la tonm atèr.

Néna in pé i arèss arienk lo noiyo si lo ra la pass par la : noiyo lé prop épi néna la mark lo dan dési. Défoi zoizo la vide lo dédan mang mir... Sak mi vé dir azot dsi lo poinn vizé la kalité, la pa mang atèr lo pli roshèrché.Mi diré mèm lo kontrèr.

Astèr par raport la sosyété lo mang a tèr sé lo moun abandoné, san soutien san zami. Donk zot i pé konprann la pa gayar ditou kan i pran aou pou in mang atèr : sé kon msi ou sé lo dèrnyé dé dèrnyé, sé konmsi ou i kont pou prine gaté.Alé !

Mi kite azot rofléshi la dsi é ni artrouv pli d’van. Sipétadyé !