« Pran pa moin pou in mang a tèr. » - In kozman pou la rout

25 novanm 2015, sanm Justin

Ni koné bien kant in mang ié a tèr, sé ké li la tonbé é kan li la tonbé, par la otèr, li la kraz-kraz in pé. Donk ni profèr alé trap lo mang dsi lo pyé pars sak lé a tèr, lé pa si tèlman bon. Alor, si i pran aou pou in mang a tèr, sa i vé dir i donn pa ou in bon valèr. Final de kont i pran aou pou la po patat é sa demoun i èm pa. Pou kosa, Pars kréol konm lé z’ot i pans, konm di lo kont, zot sé dé z’onm é dé fanm de valèr. Donk, i fo fé in ka avèk zot, i fo fé in kont avèk zot é zot la bézoin k’i rokoné z’ot dignité. Dann la lang fransé i di demoun la bézoin d’ète konsidéré ; é sé sa k’lo kozman i vé dir. Kosa zot i anpans ? Arien ditou ? Fé travay z’ot koko, fé bouy z’ot matyèr griz, zot va oir ké, rant-rant, ni pé z’ète, tazantan, dakor rantre nou.


Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus