Mézami, in mang atèr sé in mang atèr. La pa li pou fèr son zoli dann kèr pyé d’mang. La pa li pou pran son zoli koulèr li kaptir sa dann solèye. La pa li pou amontr koman li lé bon.

Atèr, li lé fine plizoumwin krazé, li lé fine plizoumwin gaté, domann pa si lo ra la fine mète la marke son pti dan ladan. Avèk la léptospirose ou lé riskab gingn la maladi.

Mwin la pa in mang atèr donk mwin lé bien fèrm, bien bon, bien zoli é ki pran pa mwin sirtou konm in mang atèr, kaziman konm in déshé dann la sossyété.
Alé ! Mi kite azot rofléshi la dsi é ni rotrouv pli dvan, sipétadyé.

Justin