Mézami in mang kan lé atèr, li vo pa gran-shoz sirtou koméla avèk toute maladi lo ra é konpagni. Lé sir k’in mang anlèr lo pyé, sé in bon mang sirtou kan ou la shoizi ali par ou mèm — in mang atèr i intérèss pi pèrsone.

Alor si in moune la fine tonbé dann noute sossyété, pèrsone la pi bézoin ali konm frékantassion é si in moune i di aou wi pran ali pou in mang atèr, sa i vé dir wi pran pa li pou gran-shoz. Kaziman wi mépriz ali, sansa li kroi wi mépriz ali.

Zot i panss pa sa i mérite in roflékssion kansréti pou konprann koman la rolassion rante moune i pé dégréné…

Alé ! Mi kite azot roflèshii la dsi é ni rotrouv pli d’van, sipétadyé.

Justin