Sa in kozman moin té i antann souvan dé foi kan moin lété pti marmaye. Kan moin téi kritik in n’ot marmaye, bann pli gran téi di amoin kozman moin la mark an-o la. La plipar d’tan sa i fé pa plézir antann in parol konmsa. Pars mèm kan ou i di d’mal dsi in n’ot, ou i rode sak i koz avèk ou i pran mèm pozisyon ké ou… Atann in kou : zot i pans vréman demoun i pass z’ot tan di d’mal inn dsi l’ot ? Alor zot i pans ladi-lafé sé in éspor nasyonal bann rényoné ? Non va ! i fé sanblan. La plipar d’tan i di di bien : kroyé moi é fouté vou d’dan konm gramoun lé o té i di dann tan. Alé ! Mi kite azot rofléshi la dsi é ni artrouv pli d’van. Sipétadyé !