La préférans’ sé in nosion a manié èk la prékosion. Na tèlman la fristrasion akimilé dann nout péi, souvan défoi ni voi la préférans’ partou. Sa i komans la kaz èk nout bann pti frèr, pti sèr ; sa i dévlop si lo ban lékol èk nout bann ti kamarad ; ni artrouv sa èk nout bann voizin kan ni kroi zot nana sat nou la poin ; sa i kontinié dann travay, é i pé mèm anfléri toute la vi. Brèf, la préférans’ na d’koi ransi nout kèr !

Kan ni dénons la préférans’ pou lé zot, ni souète souvan an misouk la “préférans’” pou nou mèm. Dann ka konmsa, la zalouzi la pa tro loin é not nouvé bondié i dovyin “Mésié Piston”. Riskab mèm ni révèy bann vié démon é ni artrouv anou anbarké dann in préférans’ nasional. Sat lé bariolé an bléblanrouz !!

Sesidi, le droi o travay pou bann Rénioné sé in vré problèm. Mé problèm-la i mérite innot trètman. In vré révolision !!!

Justin