Dopi mardi, laba lasanblé nasional, bann dépité la antame in gran soubatkoz su lo méyièr moyin protèz nout lanvironeman par in sharte. Kan ni koné tousa déga la polisyion i fé si la tèr, ala omoins’ in bon nouvèl !
Lo sharte an kèstyion lé souteni par Chirac an persone. Lokèl Chirac, lé vré, lavé pa ézit ropran bann zésé atomik kan li la inogire son promyé manda prézidan. Mé pou in foi li sanz dann lo bon sans, tanmyé !!
Lo nuizans la sosyété indistrièl lariv in nivo pa posib zordi. Déga si la santé domoune, si la fone, si la flor lé tro inportan pouk ni kontinyé boush nout zyé. Sakèn’ dantronou na lo droi in lanvironeman korèk é sirtou, sakèn’ dantronou na lo devoir lès in lanvironeman prop pou sat i vyin aprè nou !!!

Justin