Mézami ala in drol provèrb pars wi diré i fé pass in bon n’afèr pou in mové z’afèr. Pran prékossion sansa porte prékossion sa sé in bon kékshoz pars i évite aou fé la bétiz. Pran prékossion pou mwin sé konm pran lo soin é koué d’myé k’sa ? Lo kontrèr sé kan wi fé in n’afèr an foutan.

Poitan tazantan pran tro prékossion sé in pèrte do tan, l’èr in kalité i vien inn défo — lo myé sé l’énmi d’lo bien —, é saspé demoune i kritik aou. Kossa k’zot i diré d’in moune i mète in nape pou protèz son tab, é in n’ot nap pou protèz son nap, mi diré kozman an-o la i mérite ali. Mé si o boute lo tab i viéyi bien é lé zamé an défalké ?

Alé ! mi kite azot rofléshi la dsi é ni artrouv pli d’van. Sipétadyé.

Justin