Oté

« Prékosyon i suiye son f… avan kk ! »

In kozman pou la rout

Justin / 4 novanm 2016

La pa in kozman boush sal sa. Sa in drol de kozman é si mi suiv sak nana dann z’ot tète, sèrami léktèr, mi trouv zot i pans moin l’apré gougnardé. In n’afèr konmsa lé pa posib. Pa posib ? Zot i koné nana d’moun i suiye lo linète kabiné kan zot lé dann in l’androi étranj. Zot i konpran in n’afèr konmsa ? Lé pou évite ramas mikrob. Donk sé in bon prékosyon. Mé kosa zot i diré d’in moun i mète in nap siré dsi son tab é avansa i mète in nap karoutshou pou anpèsh lo nap siré glisé. Aprésa i mète in nap la toil dsi lo nap siré. Aprésa ankor i mète dsou pla. Kosa zot i diré dsa ? Kat koush avan i ariv lo zasyète. Zot i diré lo myé sé l’énmi lo bien. Moin mi diré mon libèrté i fini l’androi sète lé z’ot i komans é si in pé i pous z’ot roiyome loin é pliské loin, ébin lé zot, zot i pé pans i fatig in pé tro z’ot tété. Alé ! Ni artrouv pli dvan si pétadyé.