Oté

« Prépar out paraplui avan la plui i komanss tonbé »

In kozman pou la rout

Justin / 13 novanm 2020

JPEG - 43.6 ko

Mésyé, Médam, la sosyété, kozman moin la mark an-o la dsi l’internèt i di sa in provèrb l’Indonézi. Lé possib vi k’i di, mé konm mi di toultan sa lé valab partou é mèm isi shé nou. Kozman in saz lé inivèrsèl !… Lé ga, la sézon dé plui i ariv san tardé é kan w’a sort lo matin wi konétra pa si lo soir pou rant out kaz, wi sava pa gingn inn shof la plui. Lé vré isi ni viv konmsi botan lété i arète pa zamé, poitan ni koné par éspèryans sa la pa vré. Ala pou kosa i fo ni mète la vérité-sansa la pli grand probabilité - dann nout tète. Mé nou lé dann sans prop la, si ni vé rant dann sans figuiré ébin ni pé di : tout zafèr i doizète préparé, é lo myé sé ké li lé préparé avan pou ète paré kan i v’arivé. Alé ! Mi kite azot rofléshi la dsi é ni artrouv pli d’van. Sipétadyé.