Proféssèr Lapierre lété déza azé kan mwin lété Lissé. Donk si dan son tan téi fète lo mardigra, koméla sé in n’afèr d’marmaye é sirman pa in fète popilèr. Dir ossi na pi karnaval vréman la rényon alé oir fitintan té in fète. In fète téi sélèb avèk trépé d’moiyin mé téi fète pou vréman.

Astèr kissa i lé lo korbo ? Pétète in zoizo — pars sé in zoizo koméla é li l’ariv La Rényon dopi pa tro lontan. Astèr mi koné pa si dmoune téi déguiz azot an korbo é si korbo té in monss danzéré. Antouléka mi koné demoune i gingn lo nom korbo : akoz, mi koné pa.. Kan mwin lété an sizyèm l’avé in ga demoune téi apèl ali korbo mé pou koué……

Antouléka sai vé dir ou lé pri dann pyèz mé mwin na pwin la sanss kozman-la. Somi lo mo daniel honoré i di pa pliské mwin é mi souvien pa si mwin l lir sa dann diksyonèr alain Armand.

Donk mi arète la mé mon roshèrch lé pa fni.… Mi sava rode ankor.

Justin