Zot la vi koman bann dépité l’UMP la vote in lamandman, laba lasanblé nasional, pouk lalkol na l’droi fé osi son piblisité. In pozision konplètman an kontradiksion èk le prop politik santé piblik le gouvernman UMP. É le bann priorité Jacques Chirac, li-mèm !

Mé alé sirtou pa kroir, sa lété in kafouyiaz boug la finn boir d’vin. Sékrétèr zénéral délégé l’UMP, François Baroin i fé pa dann la nians’. Ala kosa li la dékaré apré : "Il faut "donner les moyens à des acteurs économiques d’assurer leur développement...". Mèm kan sé dé vandèr la mor !!

Douste-Blazy li-mèm, soidizan minis’ la santé, la pa lèv le pti doi pou anpesh lamandman-la pasé. La pa moyin té mank ali pourtan. Mé zordi, sou la présion Lélizé, li trouv sé “in mové kou pou la prévansion routière”. Mé kisa i sar boir ankor son vin gaté ?!!!

Justin