In kozman pou la rout

« Priv aou zordi, pou fé plézir out boush domin ! »

10 out 2016, sanm Justin

Dizon kozman-la sé zis lo kontrèr sète yèr té i di konmsa : « Priv pa ou, la mèr lé bèl ! » . Olèrk ankouraj aou profite out bo tan, kozman-la i fé lo kontrèr : li konsèy priv aou zordi pou an profité domin. Dizon, lo kozman, ni pé dir li lé réalis pars kan ou lé jenn i ariv souvan défoi ké ou na poin lo moiyin pou amizé. Si ou atann in pé, pé s’fèr ou nora. Final de kont shakinn i shoizi koman li vé pass son vi, si i done ali lo shoi. Si li na poin, ni pé dir sa sé in n’ot afèr pars kan ou i koné la kantité d’moun si la tèr lé privé d’bokou d’shoz kisoi par la guèr, kisoi par bann katatrof natirèl, kisoi par la maladi ou i rann aou kont par ou mèm ké lo moun nana la libèrté pou shoizir z’ot vi sé in minorité pou vréman. Alé ! Mi lèss azot kass z’ot koko la dsi é ni artrouv pli d’van !

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus