En vérité la band Gaza té fini arriv konm in simétir. Pendan in mois bande civils palestiniens té viv dessous tombes. Israël té y garde pa ki y perde, ki y gingn, té y tir dessi tout sat y bouze soidizan pou trouve téroris. Kel téroris ? Nou lé a domandé si sé pa zot même lo pli téroris dan lafèr. Si ou agard bien lo définissions, y dékri exatoman sat Israël i fé. Solman nout média traditionel y itilize lo mo kom zot la envi, pou fé kroir sat zot la envi.

Na dé zot mo ossi lé bien mal itilizé solon moin, sé lo « prizonié » ek lo « lotaz ». In prisonié sé in malfra, sé in moun la komèt in laksion interdi par la loi, li passe dovan in trébinal ké y mèt à li en prizon. Par konte, in lotaz, la pa fé arien, sé in linosan, li lé in viktim, la trap ali, la rotonir à li konte son gré, san jizeman.
Alor y di la libère bande « zotaz israéliens » ek bande « prizoniers palestiniens ». Solman, kan mi agarde dann télé, mi wa inn ti fi palestinien, na 5 ans, lé libéré, li kour dessi in madam, sirman son momon. Kossa inn ti fi 5 an y pé fé kom krim pou èt in prizonié ? É kel tribinal la kondane à li, mi voudré bien konète ? Mi pense plito ke ti fi la, kom bonpé soidizan « prizonié palestiniens » lé an vérité in lotaz ossi, solman média i manipil à nou, pou fé kroir à nou sat zot y vé. Zot y kalkil Kouyon lé mor, nou la pran la plass. Konm kréol y di, « fèr kroir sé in gran métié sa » !

Ni artrouv.

Zordi bonpé péï y vé pi èt en relation avec Israël et son promié minis, a koz zot y tié bande marmailles, bande fanms ek bouts inosans.

Justin