Oté

« Promèss konmsa, promèss soular »

In kozman pou la rout

Justin / 25 séptanm 2018

JPEG - 43.6 ko

Késtyonn promète sa sé in kékshoz pa difisil. Néna in pé i fé douz a la dizène. I promète sosi, i promète sola, mé pou tienbo lo promèss sa sé in n’ot afèr-in pé i di sa sé in n’ot pèr d’mansh. D’ot i di ankor : gran prométèr ti donèr. Mèm in sélèb politik téi apèl Edgard Faure téi di in promèss i vo arienk pou sak i kroi, donk pa pou sak i fé. Kan in moun lé bu, li di toultan : mi boir arpi, mi boir ar pi. Mé kan lokazyon i prézant li arlèv son koud san modérasyon. Sa mèm i apèl promèss soular. Alé ! Mi kite azot rofléshi la dsi é ni artrouv pli d’van . Sipétadyé !