Mésyé, Médam, La sosyété, koz èk moin sé koz èk in kouyon. Marmaye zot i koné la lang la poin lo zo é lé fasil promète mé konm provèrb kréol i di : « Gran prométèr, pti donèr ! » é si lé fasil promète lé pa touzour posib tienbo son promèss, Mé konm i di souvan défoi : tourn out lang sète foi dann out boush épi ou nora lo tan oir si ou i gingn tienbo out promèss, sansa si ou i gingn pa. Promèss larzan dabor inn i fo pa fé pars ofiramézir ké lo zour pou tienbo out promèss i ariv, moins ou la anvi tienbo ali Kosa i di amoin la ? zot i tienbo toultan zot promèss. Sa lé a oir, pars mi koné désèrtin dèrnyé moman i trouv in léskiz, in l’anpèshman é apré zot i di : prète in moun lazrzan sé pèrd our larzan épi pèrd out zami. Fransh vérité, i ariv ké lé vré mé konm i di in promèss sé in promès é in promèss sé in dète i fo tienbo ali. Alé ! Mi kite azot rofléshi la dsi épi ni rotrouv. Sipétadyé !