Oté
Promyé minis morisien i déklar dimansh 18 oktob : « Bann zanglé épi bann zamérikin sé in bann zipokrite ! »
/ 19 octob 2020
Dimansh moin la lir dann bann zoinal morisien in nouvèl pou rapèl anou lo mové sor nout bann sèr épi frèr shagosiennes-shagosiens l’apré sibi dopi bann zané 1970 kan bann zamérikin la domann bann zanglé, lé dé mèm konplis, ékspils lo pèp shagosien dopi shagos ziska Moris épi d’ot landroi ankor.
Dimansh moin la lir dann bann zoinal morisien in nouvèl pou rapèl anou lo mové sor nout bann sèr épi frèr shagosiennes-shagosiens l’apré sibi dopi bann zané 1970 kan bann zamérikin la domann bann zanglé, lé dé mèm konplis, ékspils lo pèp shagosien dopi shagos ziska Moris épi d’ot landroi ankor.
Dimansh bann réfijyé shagos la fé in rényonn travaye dann zot syèz bazé dann La Pointe o Sable. Rényon-la lavé konm bit, prépar in program pou sov Séga tanbour shagosien.. Mi rapèl an passan, l’Unesco la mark séga tambour shafgosien konm patrimoine imatéryèl pou l’imanité. Konm koi la lite i kontinyé dsi lo plankiltirèl.
Tout lékip nout zami Ollivier Bancoult épi Ollivier li mèm lété la pou la séans travaye, lo group séga tambour la zoué pou lokazyon é l’avé galman plizyèr minis gouvèrnman morisien é pi promyé minis Pravind Jugnauth.
Promyé minis la déklar dann in priz parol : « Bann zanglé é bann zamérikin sé in bann zipokrite ». Avèk bann mo dir, li la dénons bann gouvèrnman i prézant azot konm défansèr bann droi imin é sa la pa anpèsh azot koup rasine bann shagosien avèk zot péi natal é mèm si zordi la kour zistis internasyonal La Haye la kondane la Grand Bretagn pou la violasyon lo droi internasyonal la dékolonizasyon, épi la violasyon lo droi bann shagosien kontinyé viv dan la pé dann zot péi natal.
Li la anjkouraj bann shagosien a kontinyé vanjé pou zot droi épi pa lèss diviz azot.
Ollivier son koté l’avé mète dsi son facebook lo kozman zot i pé lir anba la paz-la :
« Nou Kiltir, nou fierte. Nou invite tou nou ban frer ek ser Sagosien dan ene journee kiltirel dan centre Sagosien Marie Lisette Talate, Debarcadere Pointe aux sables de 10 er gramatin ziska 4 er tanto. Depi 10 Desam 2019 dan Colombie, UNESCO fine rekonet sega tambour Sagos kouma patrimoine mondiale ki bizin preserver. Dimanche 18 Oktob 2020. Animation Group Tambour Chagos ek oussi ban zen generation Sagosien. Vine passe ene bon moment avek nou lambianse nou ziles Sagos. Pou ena oussi ban plat tipikment Sagosien. Nou atane zot dimanche 18 Oktob 2020. »
La prèv la lite bann shagosien i kontinyé. El sar long sirman, mé a la finisyon nora la vik toir.
