Mi sort trouv inn an parmi mon bann kamarad, sak la pa invant zèf bouyi. Mi oi li nana in gran sak roz, i kout katrévin santime. Mi di ali, li la fé dé fré, pou protèz la natir. Li fé amoin pou répons, li la pa ashté zafèr-la, sa sé son matant Zéfir Tank’a la protéksion la natir, akoz li gingn pa protèz ali, li mèm.
Li azout, son madam la di ali : « Vik ou nana in gran sak roz, pèrsone i oi pa d’dan, trap » in bon pé pti sasé, sa va ansèrv anou bien. Apré li di : « i fo èt rish pou fé in nafèr konmsa ! »

La-ba l’amérik, na in prézidan, li osi li la pa invant zèf bouyi. Li la trouv in nafèr : son péi, sansa son bann kapitalis, i vé ashté lo droi polyé la natir. Donkalor, dizon riyink sak lé pov i doi protèz la natir !
Pou bann ti polyèr, nana la pédagozi épi nana in bann ti mézir pou pran. Si i vé i gingn !
Pou bann gran polyér, I fo taks azot, épi boykot bann produi i polyé kan i fabrik, i polyé kan i ansèrv, I polyé apré. Sa in gran konba ! I fo amen ali konm in konba !

Justin