Oté

« Pti kok i fé sak li pé, gro kok i fé sak li vé »

In kozman pou la rout

Justin / 8 zwin 2018

JPEG - 43.6 ko

Sa sé in n’afèr bien vré pars si inn na lo droi fé n’inport koué, l’ot lé blijé s’an pasé. An touléka, li lé forsé triyé sak li pé fé. Néna plizyèr kozman i di la mèm shoz. Pou mon par, mi oi dé o moins : promyé i di lo pli for néna touzour rézon. Dann fab La fontaine, i di pa, lo rézon lo pli for sé lo méyèr rézon. Si mi tronp pa sa lé dann lo lou épi l’agno. In n’ot mi oi sé in provèrb i di : sak in bèf néna lo droi fé, in zèf i pé pa fèr. Zot i oi toutsuit kosa bann kozman-la i vé dir. Astèr, ni pé poz késtyon : ni pé domann anou si sa lé vré san pour san ? Sa lé vré a domi. Dé foi l’intélizans, sansa l’adrèss, sansa ankor la malis i pé ranplas la fors. Alé ! Mi kite azot rofléshi la dsi éni artrouv pli d’van. Sipétadyé.