Bann dépité la fini zot diskisyon dsi in loi konstitisyonèl pou fé ratifyé par La frans la shart éropéène bann lang réjyonal épi minoritèr ; zot la voté étienbo aou bien mon dalon, plis troi sinkyèm la vot pour. troi sinkyèm, sa lé inportan sa ? Pliské. Par raport in nouvo loi va pas dovan lo séna é si bann sénatèr i aprouv lo loi avèk in majorité plis troi sinkyèm, l’èr-la sar paré pou réini in kongré épi pou donn lo prézidan lo fé vèr pou ratifyé la shart nou la anparl an o la.

Ni pé di, lé domaz l’avé poin in majorité pli for ; Lé domaj désèrtin dépité l’outre-mèr l pa vot pour vi k’in pé la pa partisip lo vote. Domaz, mé normal ! Pars shak foi nana in késtyon inportan bann roprézantan l’outre-mèr i diviz. Lé konmsa, mé i fo pa anplégné, i fo pran lo tan, épi atann lidé i fé son bon shomin. Mèm si dann in ka konm bann lang réjyonal i fé dé zané é dé zané k’i diskit, k’i lite.

Mé ni pé dmann anou pou kosa nana ankor d’moun lé kont la shart moin la anparl pli o.Ni pé mèm rann anou kont par nou mèm in pé i prétan ninpport koi : i di k=lo fransé lé an danjé. Na mèm in roi d(’koulou la di, si ni koz arienk kréol, si ni sava dann l’anglétèr koman nou va fé konprann anou. Lo myé sé jké ni koz zanglé, mé i paré li la pa konprann sa pou son par...San kas lé kui astèr kosa i lé la shart, koué na d’dan. Bin i fo ni lir, i fo ni diskite, ni pa pa dir nou lé pour san al é bien gardé. bien konprann sé la klé pou bonpé z’afèr...An atandan, pti lanp pti lanp,l’afèr i avans.

 Justin