Donk shak foi in rass di sipèryèr téi mor té i fé latopsi pou démontraz zot téori ziska k’in zour in pir rass sipèryèr lé mor la fé latopssi épi la trouv dann son tète in pti sèrvèl-donk an mèm tan k’la vi, li la pèrde son répitassion.

An fète la fé bonpé zétide dsi la taye lo servo épi lintélizanss é a l’èr k’i lé lé pa si sinp ké sa — antouléka lé pa fassil tir konklizyon.

Tanka noute provèrb anou, li vo sak li vo é nou la zamé di noute bann kozman lété la vérité san pour san. Mi panss in zour la syanss va nyabou d ékode lintélizanss. Nou va oir kan l’èr v’arivé.

Mi kite azot rofléshir la dsi é ni retrouv pli dvan, sipétadyé.

Justin