Oté

« Pyé d’boi i plèr pars la ash i fé mal ali, mé la ash i di : sé ou la donn amoin la mansh »

In kozman pou la rout

Justin / 24 octob 2020

JPEG - 43.6 ko

Ala in drol kozman vik li fé koz pyé d’boi avèk la ash. Sa i pé arivé dann mazinasyon d’moun kisoi bann saz, kisoi ankor bann rakontèr zistoir épi bann pète an zénéral. Mé konm la plipar d’tan néna in vérité dann lo kozman. Prommyé vérité lé dann sans prop é zot i pé trouv ali par zot mèm pars zot i koné lir donk zot i pé suiv la konvèrsasion. Mé antansyon zot i koné ladan néna in sans prop épi in sans figiré konm idi. Astèr si mi di azot i ariv ké l’om sé li mèm la koz son malèr : si ou fé grandi in sèrpan étone pa ou ké li fini par pik aou. Si out pyé flèr néna gran-gran zépine talèr va pik out doi mèm si lo flèr lé zoli. Alé ! Pou mon par, mi kite azot rofléshi la dsi é ni artrouv pli d’van. Sipétadyé.