Mi pans zot la fine gingn l’okazion marsh dann santyé dann boi. Santyé-la, sa lé prop par androi, mé toudinkou in gran tron d’boi paré pouri i koup out shomin ; kosa ou i fé ? Ou i pass ppar dsi... Out kamarad déyèr ou, bin li osi li pass par dsi san kalkil kosa l’ariv pyé d’boi la pou ète shaviré dann santyé. Mé kosa sa i vé dir ?

Sa i vé dir kan ou lé dann in sityasionn féblès, demoun i marsh dsi out tèt mèm san romark si ou lé la. Mi diré : sa lé vré konm pa. Pars nana demoun lé solidèr La rényon é moin lé sir nana plis demoun la min tandi ké lo poin fèrmé. Konbien foi mi antan demoun i dé kilomète-é dé kilomète pou donn in kou d’min demoun zot i koné mèm pa.

Dizon la solidarité sa lé in pé natirèl shé bann rényoné ; mi koné pa kosa zot i anpans, mé moin, sé konmsa ké mi konpran la vi.