Mi panss avoir déza di in zour mwin la antann in ga apré dir : « sak i bate dé bèr i lish son doi » é sa sé pa in bone pratik rant zouèr mé lo ga la di sa lété pa in zanfan Bondyé.

Dann liv somi-lo mo, lo gran Daniel Honoré la ékri épi i lir ankor bann kozman konmsa : avèk mwin i tir pa kart, zoué kart noir-kart rouz, wi pran amwin pou in fanm a kart… mé nou lé dann kozman é sa i vé dir sirtou ou l’apré éssèye roul amwin dan la farine.

Alé ! Mi kite azot rofléshir la dsi é ni retrouv pli dvan sipétadyé.

Justin