Depü dë-troi somèn, delo i zoué avèk demoun dan la komïne Sin-Pièr. La plï i tonm pa, delo la poin an sïfizans pou d’moun, bann robiné i krash lèr. La plï i tonm, tro d’lo, i koup kant mèm.

Akoz i ramas pa lo la plï ? Dann tan lontan, té i fé sa. Solman, tan lontan avèk tan zordï, la pa parèy. Koméla, nana règleman i fo réspékté, sansa la DRASS i rant dann out kot. Kisoi in moun dann son kaz a tèr, sansa dann l’imèb, kisoi pou donn zanimo, kui manzé, lav linj, dégaj kabiné, i fo réspèk dékré 3 janvié 1989*.

Alor, si i vé ansèrv lo la plï, i fo pa fé ninport koman, solman i fo fé.
Dann bann lissé "à haute qualité environnementale", i ansèrv lo la plï, konm ki fo, san gaspiy, konm lë bann tèks i di i fo fé. Dann limèb nana moiyin fé sa, dann kaz a tèr ossi. Konmsa, nou va kri moin kan delo va koupé pou in koup de tan, épï si nou ginye fé in pti lékonomi, la pa plï mal. Antansion, delo lé riskab èt plï shèr fir-a-mézir.
Alor, alon ramas lo la plï, konm ki fo.

* Un nouveau décret est à la signature prévoyant semble-t-il un renforcement des conditions d’utilisation des eaux de pluie.

Justin