Kosa I lé lo mou ? Sé lo kontrèr d’lo dir. Kan in péshèr i lès son lign filé, i di li donn lo mou. Kan li arplot son lign pars poison i ral pi a mor i di li ramas lo mou-sansa armas lo mou. Li la poin pou forsé pars poisson, soi li na pi d’fors, soi li ropoz in pé, épi lo péshèr la larg in gran bout la lign. Donk kan ou i ramas lo mou, ou i fors pa.

Konm dann travay : zorèy i di lo moun l’apré ”bulé”, kréol i di i ramas lo mou - mé pa solman, pars nana in bonpé mo po di sa ! In ramasèr d’mou sé in fingnan, in moun parès.

Kosa zot i anpans zot ? Arien ditou ? Moin, pou mon par, mi fèrm mon také, nou va artrouvé.