Mé konm i di promèss sé dète é si ou la promète i fo wi rann so promèss-la. In pé i sava ziska promète marsh dann fé, pik zéguiye pou lo dyé mourouga, sansa koup tout zot shévé épi raz la tète, sansa d’ot shoz ankor zot i oi pou zot sé in gan sakrifiss. Néna ossi bann moune i kroi pa arien mé sa sé solon.

In zour mi rapèl avèk linivèrsité nou la parti la vyèrz noir avèk bonpé zétidyan. Kan nou l’ariv laba, nou la vi in madam apré raz la tète son zanfan. Nou la domann pou kossa é la réponn anou èl i romèrssyé pars son zanfan la gingn son santé. In bone rézon assiréman.

Mézami, zot i kroi si zot i vé, zot i kroi pa si zot i vé pa mé dann lansanm bann rényoné i fé promèss é i mank pa romèrssyé..

Alé ! Mi kite azot rofléshir la dsi é ni retrouv pli dvan sipétadyé.

Justin