In kozman pou la rout

« Rant an bèf méshan, sort an biftèk ségnan. »

5 novanm 2019, sanm Justin

Mésyé, Médam, La sosyété, koz èk moin sé koz èk in kouyon-sé o pyé d’lo mir k’i oi lo mason. Mi pans zot la fine antann kozman-la. Pétète pa bien konmsa. An touléka sak mi pans sé ké zot la fine antann o moins « rant an bèf » épi « sort an biftèk » pars pou dir la vérité, sé in sistyasion i trouv asé souvan : konbienn foi désèrtin kabalèr i rant an vinkèr épi zot i fé bate azot a plate-koutir. Sa i rapèl amoin zistoir in sèrtin robélion fyèr d’li mèm é vantar vèye pa koman, la plonj dann in basin d’lo épi li la bate la tète dann fon avèk inn-dé mèsh shové an moin. La moralité d’zistoir-la, sé pou dir aou i fo ou i sava avèk pridans pars ou i koné pa kosa lé riskab ariv aou. Rant an bèf oui ! lé bon pou la gloir mé sort an biftèk lé pa tro onorab ditou. Alé ! Mi kite azot rofléshi la dsi é ni artrouv pli d’van. Sipétadyé

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus