Mi pans konm mwin zot i koné kozman-la, mi sorte tir dann Semin-lo-mo in liv Daniel Honoré. Mi pans zot i oi a popré kossa k’i lé « rant an bèf » : ni pé dir sé rante avèk britalité é kan wi rante avèk britalité lé possib i pass, mé lé possib ossi i kass é sé kan i kass ké lé pa bon.

Sanm pou mwin lé méyèr fé azir la diplomassi, plito ké la fors. Lé possib zot i panss pa konm mwin, lé possib zot lé partizan in rantré an fors. Mé listoir i amontr anou souvan dé foi demoune lé an bénéfis azir an finèss plito k’an fors. Antouléka i vo myé rofléshi avan désside la fasson pou azir.

Alé ! mi kite azot rofléshi la dsu é ni artrouv pli d’van. Sipétadyé.

Justin