Oté

« Rant lé dé mon kèr i balans »

In kozman pou la rout

Justin / 13 zanvié 2020

JPEG - 43.6 ko

Mésyé, Médam, La sosyété, koz èk moin sé koz èk in kouyon - mé sé o pyé d’lo mir k’i oi lo mason. Mé zami, mi koné pa zot, mé pou moin in kèr i balans rant dé, sa la pa in bon n’afèr toul bon. Balans rant dé ? Rant lo dyab éou lo bondyé sa la pa in bon n’afèr konmsa. Konbien foi moin la antann dann mon vi demoun lo kèr i balans rant dé : in légzanp, rant dé fiy ébin avèk lakèl i maryé la ? Rant dé métyé ? Lakèl dé dé mi sava fé sirtou kan-konm dann tan lontan-lété in métyé pou la vi. I di galman rant dé kèr, mé sète-la na poin lo mèm sans : sa i vé dir ou i vé konm pa, é kan ou i vé konm pa, lé difisil pou shoiziré. Alé ! Mi kite azot rofléshi la dsi é ni artrouv pli d’van. Sipétadyé !