Médame, zé Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami, mi yèm bien kozman-la pars i amontre anou dann in n’afèr i fo touzour kalkil lé konsékanss é si wi kalkil pa lé riskab ariv aou mové zafèr. La prèv an é lo sanss prope kozman-la. Zot oi kossa l’ariv lo pov bèf, li k’téi panss li té i sava tyé douze épi blèss katorze. La prèv an é ankor lo lyèv torti la bate ali a la kours.

Par l’fète mi panss dann toute zafèr i fo fé travaye la tète, prévoir an avanss sak lé possib arivé. Dann in konba, dann in déba, toulmoune i sava pou gagné mé o fin di fin, é o boute di boute, néna k’in sèl vinkèr : pétète sé ou, pétète sé l’ote. Konm i di : balon lé ron pou toulmoun é sa i fo bien kalkilé.

Alé ! Mi kite azot rofléshi la dsi é ni artrouv pli d’van. Sipétadyé.