Médame, zé Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami mi vé pa kass zot moral, mé kozman-la sa in kozman franssé-antouléka mi panss pars bande lang zot mèm lé volère rantre zot. Ni di lé franssé, mé oussa franssé la tire sa ni koné pa ! Antouléka mi koné kozman-la bande franssé i di sa galman dann zot shanté épi dann a vi toulézour.

Mé par l’fète, pou kossa lo kèr i pé balanssé ? Pars si ou néna lo shoi, lé difissil fé oute shoi é sak lé pli pire kan wi fé lo shoi wi koné pa si sé lo méyèr shoi. Mé la vi lé konmsa é zot i koné. Alor alon pa kass la tète pars si i kass la tète i gingn mal do tète.

Alé ! Mi kite azot rofléshi la dsi é si ni trouv pa nou va ékrir. Sipétadyé.