Mézami zot i koné dann la kuizine kréol néna in kékshoz i doi z’ète fé avèk soin sé la soss. Sa sé in n’afèr i fé pa ninporte koman é sa sé pa in n’afèr i amontr dann liv, sé avèk léspèryanss k’i aprann fé in bon soss… tro d’in n’afèr, pa assé d’lote épi wala la soss i gate é lo kari lé raté.

La soss la vi sa lé parèye, si li ariv a gaté oila ké méssyé-madam i antan pi. Néna dé foi i pé rakomodé, mé néna défoi lé pa possib é oila k’i antan pi. La pa bézwin in gatèr osinonsa in gatèz pou sa, défoi i gate par lintèryèr rante inn é l’ote é arien a fèr pou romète dakor.

Alé ! Mi kite azot rofléshi la dsi é ni artrouv pli d’van, sipétadyé.

Justin