I fo dir korn lapin lé rar mèm pliské rar pars sé in kékshoz i égziss pa. Bèf néna korn, bouk néna korn, zanimo sovaz néna korn mé lapin, mi done mon tète a koupé si in zour zot i trouv in lapin avèk korn dsi son tèt. Sé pou sa ni pé dir la konparézon avèk korn lapin sé vréman in kritèr d’rarté.

Dé foi ou lé dann in péi épi in sossyété bonpé zafèr lé rar : travaye lé rar konm korn lapin, larzan pou bonpé sa lé parèye, par kont lo viss lé pa rar vi ké mwin la antann bann zansien apré di : néna dmoune na pliss viss ké lizine Bofon — mé i éshap ar pa zot lo dogré d’plézantri néna dann kozman-la.

Alor, mi invite azot pou rofléshi dsi lo kritèr d’rarté é ni retrouv pli dvan sipétadyé.

Justin