Tout demoun i kui manzé son manyèr isi La Rényon : in pé i èm la sos, in pé i èm kan la sos lé bien rédui. Pa pli loin ké dan la somenn i n moun la di amoin avèy son roti koshon. Kan lo vyann té bien tann moin la koup lof é. La pèrsone la fé romark amoin in roti avèk la sos sé pi in roti. Moin té i trouv lo vyann dir é moin la di k’in pé la sos té pa in mové z’afèr... 

Astèr dann kèl ka i pé i pé ansèrv in patoi konmsa. Sans prop mi oi ! Mé sans figiré, mi oi pa tro mé mi pé tant in ka : mi souvien moin té apré fé in démonstrasyon dann matématik. Moin la poz inn-sdé z’ékousasyon é fransh vérité lo dévlopman té in pé kourt. Mon profésèr la di amoin si ou i rédui in vyann konmsa i rès ar pi gran shoz dann out kari. Lé vré osi pou in diskour dann la politik. Moin lété véksé é pa pou zoué !

Abien kalkilé, mi pans, zot osi mon bann dalon, zot i pé rode in ka pou ansèrv lo patoi-la.