(Page 16)

Divizé rantrozot, le kan le “oui” pou le référandom si la konstitusion éropéène lé zordi totalman paniké. Èk Jean-Pierre Raffarin konm shèf de file anonsé, lé sir le référandom i sar tourn an lo d’boudin pou le “oui” !

Sat la ponkor fé le relasion, va fé. Son politik la kass sosial an France, sé ékzaktoman le prozé Giscard i vé étann pou toute l’Europe. Rotromandi, èk Raffarin le kan pou le “non” i sar ankor rogmanté ! !

La pa moin i di sa, sé son bann prop kamarad, dan son prop kan. Zot la tou fé pou anpèsh ali pran kaskète-la. Mé, konm la défète lé asiré, la poin tro bouskilade l’UMP pou pran la tète le “oui”. Dikou, Raffarin lé bien blizé transform le référandom an “raffarindom” ! ! !

Justin