I rampli nout boit o lèt, pou fé sèr nout tèt. Mi pérd mon Témoiniaz sou tout in ta gaspi réklam. Lé vré lé pa vré. I roul anou kari sou d’ri. Sa i gard mèm pa ; mi jét direk dan mon poubèl zon.

Dernié tan, sé l’nouvo téstaman la rivé dan mon boit a lèt. I poura pa di banna nora pa fé tout pouk nou giny nout paradi. Té i sufi pa pas do lon en larz devan la kour. Té i sufi pa fé kabar prièr si térin devan la kaz. Mé sé moin na asé. Alors si la pa réklam pou in produi, pou in zéli, i fé osi réklam bondié. Koué k’vi vé. Ou sa i trouv l’arzan ?
Véy pa domin i giny inn Bib kréol.

Justin