Oté

« Rézin-la lé tro vèr é bon arienk pou bann goulipia »

In kozman pou la rout

Justin / 13 désanm 2019

JPEG - 43.6 ko

Médam, Mésyé, la sosyété, koz èk moin sé koz èk in kouyon-sé o pyé d’lo mir k’i oi lo mason.. Zot i koné la fab « lo ronar épi lo rézin ? ». Ronard i ropèr in bann grap rézin anlèr dann in tonèl. Li sote, li sote, li rosote é li gingn pa trapé. Momandoné li lé souflé é li sote moinzanmoins o, é li néna moinzanmoins shans trap i bèl grap li la fine ropéré dopi talèr-la. Ronard i kalki épi li fini par di : Mi pans bann rézin-la lé tro vèr é zis bon pou bann goulipya. Apré li kol shomin li sava é kont pa dsi li pou fatig son kor pou li trapé - lé myé ké fé pityé kant mèm é souplègné. Mi kite azot rofléshi la dsi é ni artrouv pli d’van. Siplétadyé !