Dan nout ti péï, lo pié Tantan lé considéré kom in « plante invasive ». É, pou dvré, li pouss partou ! Dann toute parti difisil, sèk, ek la polission, …partou li va débrouille à li po poussé et donn in zoli pié bwa.

Si Isi, gouverneman la class à li kom in « peste végétale », sé pa le ka partou ! Par le fète, plante la i donn in luile ke na dè kalité exceptionnel en cosmétik. Pou la po, lo zong, sévé,…

Rogard dann la Boutik, sinon sa la farmassi, lo pri inn ti fiole « l’huile de ricin », zot va ress étoné. Sa in luile i gaine pa remplas par in not, li tou sèl na in fort contenanse en ricinoléine, ek bann propriété bien partikilié. Sé pou sa ke li lé vendi trè chèr dessi lo marché, konté ziska 20€ pou 100ml.

Alors, mi di a moin, pé tète si nou té pa kolonizé, si nou té kapab pran in pé plis désizion par nou mèm, alor nou noré exploite in pé plis nout bann Rissès natirél, pou ogmante la prodiksion dann nout péï, pou donn kréol travay, plito konte touzour dsi baton tonton pou travers la rivir.

A bon antandèr, salu !