(page 16)

Pèrsiadé le “oui” pou le référandom éropéin té sar pas’ konm in lèt la poste, François Hollande lavé in sèl krinte : zélèksion-la i doi pa transform an plébisite pou le prézidan la Répiblik. Sinon lété pa bon pour la présidansièl 2007 pou le patron lo P.S.. Sé poukoué li té vé pa Jacques Chirac té rant personèlman dann ron !

Sa, sa lété dann in promié tan. Dopi, le “oui” i pran koud’kongn si koud’kongn. É kisa i kour karté réklame in langazman pli désizif le prézidan la Répiblik pou relans’ le “oui” ? François Hollande, le sékrétèr nasional le Parti sosialis’ ! !

In Parti sosialis déplizanpli agrésif. Manuel Valls, innot rèsponsab le P.S., sibitman konvèrti o “oui”, la pa ézite dénons’ "l’absence totale du président de la République, qui n’explique pas, qui ne donne pas de sens, qui ne porte pas de projet".
Noré té rizib, si té fé pa pitié ! ! !

Justin