Na in pë dmoun i gingn bouton kan i parl lo projé kafé, bourbon pointï. Konm zot plime nana kaziman la diaré, tou l’tan zot la pou ékri près la minm shoz :
« Pou kosa lo cirad lavé bézoin fé kroiz plizyèr kalité kafé pou gingn sak li apèl “bourbon pointï” alor k’bourbon pointï i égzis déza. Akoz la bransh bann plantèr dann in lavantir koudkongn konmsa. Akoz nou la mar nout dé bra pou fé ésploit anou par bann zaponé. »

Pou zot, la fin lé fasil prévoir : va foiré in poin sé tou.
Pou zot, sak té falé fé, sé pran kafé la kour zot vyé famiy épi plant sa pou donn a gouté dann tab d’ot épi dann réstoran, san dépans in gro paké larzan piblik, san trahir nout patrimoine.

Ay-ay-ay ! Siouplé, domaz la vi lé pli konpliké k’sa. Fé la kalité, la pa si tan tèlman fasil zot i kroi. Malérèzman bann bon lintansion demoun bone volonté, i sifi pa pou an aoir in bon rézilta. Alor, asé krtiké pou kritiké. Alon arèt rod lo pou dan la tèt na poin shëvë.

Justin