Madagascar la fé in zéléksion depü dimansh troi désanm.Zordi i koné pa ankor lo rézilta vré pou vréman.Sa i vé dir lo péi lé an rotar sü la késtion n’kominikasion konm lo péi lé mal dévlopé épi bonpé domoun lé mizèr. Si ou rod poukoué, dann bann bon zournal va di aou sé la fot Ratsiraka*.Lo boug la pa gingn fé sak i fo pou son pèp. Tout do moun va pran sa pou larzan kontan. Si sa lété pa vré ?Si navé d’ot rézon ? Nou pé dir kan la Frans la parti mèt son kuiyèr sal dann marmit i bouye pa pou li,lané 1895, Madagascar té roganizé : li lavé in Reine, in gouvernman, in ladministration. Kosa la Frans la fé kan èl la kolonializ**lo péi. El la bat tout atèr, èl la mèt son ladministrasion kolonial mal foutü. Aprésa la néo-kolonializ lo péi in bon koup de tan avèk Tsiranana*** épi d’ot ankor.

Kan Ratsiraka la sèy dévlop lo péi, lo "fonds monétaire international" la grinp sü lü, avèk bann zamérikin dann tant-kouvèrt. La pa gingn fé in bon dévlopman. Siouplé, arèt rod lo pou dan la tèt la poin shové. I fo bann kolonialis i gard zot figuir dann in glas pou komansé akoz sak zot la fé, dopü lontan, i fatig lo péi ziska zordi.

Justin

*Ratsiraka Didier, ancien président de la République voulait mener une politique socialiste. ***Tsiranana:ancien président, chantre du néo-colonialisme. ** mi préfèr lo vèrb"kolonializé" plito ké "coloniser"