Mézami, nou lé zome , nou lé malparti dan la vi. Nou néna in nom donk i dovré ète fasil mé in nom sé in konsèpt konm i di é in konsèpt sa la zamé trouv in plassdann léspri out moun. Avan li domann aou in n’afèr, li lé fine alé fouyé, partou dann magazin é li la pa trouvé, mé li koné sak li vé par kèr é ou, ou néna arienk in tan épi in nom pou ou alé rodé. In zour mwin la done in moun in konsèye d’ami. Mwin la di ali : dann la vi i fo pa wi pran aou pou pli for ké wi lé é lo ka wi poz amwin mwin la fine fér fass in défi konmsa dopi lontan é pa arienk in foi. Wi doi déklar forfé konm i di dann léspor, pars ou lé batu d’avans. A moinss d’in mirak mé jézu épi lé zot profésyonèl dann lo métyé d’fézèr d’mirak la fine fé toutt donk na pu pou ou, na pu pou nou, kréatuir sharnèl maskiline san défanss dann la téksink du kado. Alor, fé sanblan alé rodé, mé par avans désid wi sa pa trouvén donk prépar out répons négativ. El sar pa kontan, èl lé mèm riskab ète an boi pointi alors wi lèss l’oraz passé.Domin solèye va lové . Alé ! Mi kite azot rofléshi la dsi é ni artrouv pli d’van. Sipétadyé.

NB Na in moun la di amwin in tik tak konmsa lé bien résiprok malorozman