Mézami, mi panss konm mwin zot ossi zo i koné kozman-la pars lé fassil pou konprande. Légzanpe : si la tète néna shové, si èl i grate i grate néna dé shanss ké ou néna afèr avèk lo pou.

Mé si par ébzanpe la tète lé razé, mi yèmré ésséyé, mé mwin lé sir ou la pa pou trouv kékshoze dan la tète-la… Astèr sa sé in kozman ! Donk kossa sa i vé dir ? Mi pans sa i vé dir, rode sa, sé rode linpossib. Rode lo boute pli oboute ankor.

Néna d’moune i fé konmsa dan la vi : i paré si dann inn vi d’avan ou téi pass oute tan a rode linpossib, Bondyé i ranvoye aou dsi la tèr pou korize oute défo – arète rode linpossib – é otan d’foi ki fo pou korize oute défo épizapré in zour apré in paké d’vi, trape lo nirvana.

Alé ! mi kite azot rofléshi la dsi é ni rotrouv pli d’van. Sipétadyé.

Justin