In kozman pou la rout

« Rode lo pou dann la tète la poin shové »

2 octob 2018, sanm Justin

Sa in kozman mi pans in bonpé d’moun i koné. Pou mon par, mi koné sa dopi laz moin la gingn mon konésans. Pa laz do rézon ! Non sinploman lo laz ou i konpran dé shoz é ou i mète sa dann out mémoir konm i di. Lé vré lo pou la plipar d’tan li akrosh avèk shové é antansion déga kan li komans miltipliyé mé kan na poin shové avèk kosa li sava akroshé ? Na poin arien pou tyinbo ali. Donk na poin ! Alé kroir sa ou ! An parmi nou mèm néna d’moun i rode, rode é kan zot i trouv pa zot i pans lé pli mové ankor, sé k’lé bien kashyété. Bien kashyété donk i fo ou i rode épi ou i rode ankor mèm si ou déboush dsi zéro kalbas la fimé Gran-Boi. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus