Néna demoun i manj pa la vyann. Demoun i di zot lé végane, donk vézétarien si zot i vé. Néna d’ot i manj la vyann donk zot la pa végane. Sak i manz la vyann i doi aprann volaye vivan i fo ou i tyé ali : soi ou i kass pa la tète pou sa, soi ou i gingn in shok dann kèr kan ou i tyé ali. Si volaye i kriy, kisa l’otèr ? Lo kouto k’i koup pa in n’afèr in sèl kou ? La ash pars èl lé bréshé ? Tout fason lé pli fasil fé port la fote dsi lo zoutiy ké dsi lo moun. Mé a bien oir sé l’moun l’otèr si volaye i kriy : in zoutiy la pa réspobnsab pou arien sa ! lo moun oui. Donk i fo pa ou i tronp résponsabilité é sé sa ké nout kozman i aprann anou. In légzanp : la pa la météo l’otèr si kou d’van i ariv. La pa lo ronm l’otèr si ou i boir sou. Alé ! Mi kite azot rofléshi la dsi é ni artrouv pli d’van. Sipétadyé !