Mézami, mwin lé sir, zot ossi, konm mwin l’ariv azot démonte kékshoze épi pi gingn romonté é kan zot la vi la kantité pyèss shakinn son plass mé wi koné pa oussa i mète, transpirasion froide la du prande azot kan zot t’apré domandé koman zot i sava ansorte azot.

D’in sanss si wi rouv pa la porte ou néna linpréssion pa gingn fé késhoze sinp é ou lé riskabe trouv a ou bète. D’in ote sanss si lété pli konpliké ké ou t éi kroi – té valé myé pa toushé, mé koman konète si lé sinp sansa si lé konpliké. Si i tante pa i kontra zamé…

Pou finir la tantassion lé tro for é konm i di dann la priyèr wi sikonbe. Aprésa, i ariv sak i doi arivé mé la plipar d’tan wi rèst bourik dovan lo rézilta : tro sinpe pou ète intéréssan, tro konpliké pou trouv la solission.

Alé ! mi kite azot rofléshi dsi provèrb-la. Mi panss sa in provèrb La Perse ansyéne é ni rotrouv pli d’van. Sipétadyé.

Justin