Oté

« Sa i apèl pa zoué balon sa ! sa i apèl zoué bobok ! » 

In kozman pou la rout

Justin / 28 novanm 2019

JPEG - 43.6 ko

Médam, Mésyé, La sosyété, koz èk moin sé koz èk in kouyon-sé o pyé d’lo mir k’i oi lo mason. Si mi di azot koméla léspor sé pi léspor sé in l’indistri é dann so l’indistri-la néna d’moun lé péyé dé mil é dé san, é mèm dé milyon. Mé la pa pou sa lo vilin manyèr la shanjé : zouar bobok i rèss zouar bobok mèm. Désèrtin i rès parèye k’avan, sof ké i pèye azot pou zoué an brital.konm téi di lontan in boushé i rèss in boushé. Donn ali milyon si ou i vé, mé la pa pou sa li vien in ga sivilizé.A ! zot i koné in n’afèr moin la antann : « Rigby sé in éspor voiyou zoué par bann zantloman ! Fotball sé in éspor zantlemann, zoué par bann voiyou ! ». Mi kite azot rofléshi la dsi é ni artrouv pli d’van. Sipétadyé !