Médam, zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami souvan dé foi, dann la politik, konm dan la vi an zénéral, lé pa rar in pé i s’anplègn bande promèss non tenu, konm lo manke réspé la parol doné. Mi rapèl in gran politik téi di : « In promèss i angaj pa sak i fé mé sak i kroi. »

An pliské sa, déssèrtin i akiz lé z’ote d’ète konm fèye vakoa, sak i koup troi koté- par l’fète, li néna troi ranjé zépine é si ou la gingn évite, inn sansa dé, mé lo troizyème lé sir li sava déshir aou. Donk sa lé pa fran, lépa onète, kan i di kékshoz prèss pa ou pou kroir pars talèr va di in n’ote afèr.. Pé sfèr, zot ossi zot la eu a fèr avèk demoune konmsa é sas é in mové souvnir pou zot.
Mé sa i anpèsh pa zot rofléshir la dsi é ni artrouv pli d’van. Sipétadyé