Lo dézyèm kalité d’moune sé sak ni pé apèl in gouté-largué. Li vé fé léspor épi léspor i fatig ali. Li vé aprann zoué mé lo zé i fatig ali é li pèrde lo gou pou fé.Li komanss fèr in ta d’zafèr mé pou in oui, pou in non, li arète fèr.

Souvan dé foi bann zanssien i di bann jenn sé in bande gouté-largué pars zot i vé pa fèr in gran linvéstisman an kouraz, an passyanss,vitman-vitman zot i ariv o boute sak zot i vé konète fèr é i ariv azot fassilman d’avoir assé avèk sa-Mwin l’assé avèk sa, sé zot fraz fétish, la fraz zot i di a tou boute shan san k’sa i amenn azot pli dvan.

Alé ! Mi kite azot rofléshir la dsi é ni retrouv pli dvan, sipétadyé...

Justin